DISTRICT SETU COMMITTEE, NANDED

“आपले सरकार सेवा केंद्र” मंजूर करण्यासाठीचे निकष

जिल्हाधिकारी कार्यालयात कार्यरत सेतू प्रभारी अधिकारी व जिल्हा प्रकल्प व्यवस्थापक हे संयुक्तरीत्या अर्जाची छाननी पार पाडतील. तसेच दि. २३/०८/२००२ च्या शासन निर्णयान्वये स्थापित केलेल्या जिल्हाधिकारी यांच्या अध्यक्षतेखालील जिल्हा सेतू समिती समोर सदर प्रस्ताव ठेवून आपले सरकार सेवा केंद्र देण्याबाबतचा निर्णय घेण्यात येईल.

आपले सरकार सेवा केंद्र प्रदान करण्यासाठी त्या-त्या भौगोलिक क्षेत्रात एकापेक्षा जास्त अर्ज प्राप्त झाल्यास खालीलप्रमाणे प्रक्रिया राबवून गुणांकन करण्यात येईल.

समितीव्दारे खालीलप्रमाणे गुणांकनाची व मुलाखतीची प्रक्रिया पार पाडण्यात येईल. तसेच सदर समितीचा निर्णय अंतिम असेल.

सदर निवड प्रक्रियेमध्ये एकूण १०० गुण निर्धारीत करण्यात येतील. गुणांची विभागणी खालीलप्रमाणे असेल:

1. कोणत्याही शाखेचा पदवीधर असल्यास — ३० गुण
2. कोणत्याही शाखेचा पदव्युत्तर असल्यास — २५ गुण
3. सीएससी केंद्र असल्यास — २५ गुण
4. समितीकडील मुलाखतीचे गुण — २० गुण

वरील गुणांकनानुसार उच्च गुण मिळवणाऱ्या अर्जदारांना प्राधान्याने आपले सरकार सेवा केंद्र मंजूर करण्यात येईल.